Mga Cantang Bicol (Bicol Songs) - DPLYRICSPH

Mga Cantang Bicol (Bicol Songs)

An Burac Nin Malubago

An burac nin malubago

Cawat nin mga balo

Kasalon man daing belo

Ponsionan dai gurano

Bacong arog can daraga

Kasalon man labing ogma

Bunoan man pitong baka

Ponsionan man sarong semana.

An Harong Ko Nipa

An harong ko nipa

Minsan ngani sadit

Manga maritas diyan nasasaray

Singkamas asin talong

Sigarilyas asin mani

Sitaw, bataw patani

Kundol, patola, upo kalabasa

Sa kadakul-dakul pang labanos

Mustasa, sibulyas, kamatis

Bawang saka luya

Sa palibot may langa.

Ano Daw Idtong Sa Gugon

Ano daw idtong sa gugon

Bulawan bagang paghilngon

Caso sacuyang dulocon

Lulay, burac palan nin balagon

Casu sacuya ng qui cu-a

Sarong tingog ang nagsayuma

Hare man aco pagcua-a

Lulay,

burac aco ni Maria.

Si Nanay co gayod idto

Naglalakaw sa tinampo

Midbid ko man an pamayo

Lulay,

garo nang burac nin cayo.

Si Nanay co gayod iyan

Naglalakaw sa lansangan

Midbid co man an pamutos

Lulay,

garo nang burac nin lucban.

Ay Que Triste De Mi

Ay que triste de mi

De mi, de mi alma

Con magcacanigo

Sa buhay mo baga

Huni ang panuelo

Siring sa salida

Parahaleng pungaw, parahaleng pungaw

Nening con dai ca.

Nening con dai ka

Firming sa pagtangis

Firming tinitingag an mata sa langit

Matang pinipiyong luhang nagdalihig.

Tulos nagagaha, tulos nagagaha

Ay nening finis, ay nening ko finis

Con naroromduman

An siring sa sacong may pagromdum simo

Sain man paduman

Sain man destino

Barriong Bankilingan, barriong Bankilingan

An firming romdum ko.

Burac Na Maogma

Burac na maogma

Sa puso co naging ranga

Caya baya, nening, guiromdoma

Si mga sumpaan tang duwa

Maski ngani an puso co

Lingaw mo na

Marasa pa ang suwerte co

Iyo gayod ini an palad co

Manga kasakitan nakamtan co

Matutunaw an puso co

Dahil simo

Con Gustong Cang Magyaman

Con gusto cang magyaman

Magpaagom ka sa capitan

Capitan man con tonto

Mas marhay pang musikero

 

Musikero aldao, bangui

Pigcacacan anas carne

Carne man con agui agui

Marhay pa an ogbos camote

Daragang Bicolana

Oras na mabansay asin matoninong

Liwanagin bulan nin mga bitoon

Hamot nin sampagita rosal ka nanggad

Digdi kaning hardin na makaarog

Mga daragang Bicolana

Con minahuyom, mahinhin

Digdi kaning hardin na makaoogma

Duman-O Sa Basud

Duman-o sa basud

Sa basetang labnig

May sarong daraga

Inanod nin tubig

Dacul man na tawo

Nagtanaw balaquid

Nagsampa sa batang

May aki pang kilik

Nagpaparaapod asin nagpapaypay

Manoy Ireneo asin Manay Iray

Con dai cuta na aki mo cadamay

Nalibre cuta ang sacuyang buhay.

Duman Sa Samo

Duman po sa samo alebyosong lugar

Maski daing paros pirme an hayahay

Con siisay saindo an nasasaquitan

Dumoman sa samo tolos maomayan

Con siisay saindo an igwang panuga sa Peñafrancia

Sarong Domingong selebrar sa laog can Naga

Prosisyon maogma pagbilog nin bulan,

Bulan na tiembre cadacul na tawo

Iyan an kaogmahan

Mayaman ta pobre pagheleng puro pantay

Gurang manta aqui con makipag-olay

May opo sa aqui sa gurang man.

Duman Sa Samuya

Duman  sa samuya

Sa guilid nin parel

Nagmasetas aco

Rosas de paticwil

Cadang minaagi

Ticwil sanang ticwil

Hadoc sanang hadoc

Hamot daing siring

Duman

sa samuya

May daculang harong

Apat na harigi

Anas ilolobong

May daculang sira

Na nagsirongsirong

May ipot sa dongo

Dai napaparong.

Duman  sa samuya

Igua ni mataba

Kung nagdadalagan

Biyong nagbabaha

Kaya palan nagbabaha

Duman sa samuya

Nagtuturaan ang mantika.

Duwa ko at maya

Susuguon taka

Maghiling nin dagat

Kung baga honas na

Dai ka mag-agi

Sa puon nin pili

Ta andyan si unggoy

  Nangaon nin bucoy.

Duman sa samuya

Igua nin baraca

Dai nababanwit

Ta sige ang uca

Kan sacong ladopon

Nagluwas si pusit

Ang tinta binuga, pinacupsit.

Hurop-huropa Man Baya

Hurop-huropa man baya, ay nening ko

Ta ica ang dahilan, can tinitios co

Dai acong guibong sala, pasinggon mo

Macatios man logod, can labing pasakit mo

Pobre ay de mi, ay herac man

Caiining sacong

camogtacan

Madya baya duloc ngonian

Halea na lugod an sacuyang buhay.

Ilong Pagcamoot

Ilong pagcamoot na siring sa banwit na dai nin paon

Dai makalawod ta daing sakayan, dai pang bontogon

Dai macapondo ta daing sinipit patod si arurunday

Bari pa si sagwan bari pa si sagwan tinalbo si timon

Oh madaras na duros layag pinaracnit

Pinaracnit mo pa

Si sarwal kong puti

Sisay pa daw ang maherac sa saco tumahi

Patod si torsido patod si torsido

Si dagom nabari.

Ining Kalibangbang

Ining kalibangbang macurin an lipungaw

Sa tangod nin burac naglalayawlayaw

Pusong nagtitios asin nanambitan

An hamot mo, Jazmin, sa puso cong nacaomay

An hamot mo Jazmin, abaa na

Sa pusong may sakit nacaranga

Caya sa limpoy mo aco pasironga

Tibaad mahali an sakit ko

Na pinagtitios haloyon na

Acong sinikwal mo lugod gadanon na.

Ini An Poon Nin Sakit

Ini na an poon nin sakit

Tiempo nin paghadit

Si paghali cong mapait

Mundong dai maisip

Tahaw nin kadagatan

Haros kalipungawan

An balon co sa paglacao

Luha sa puso co gikan

Adios o namomotan co

Ica co ay babayaan

Ta con dai nin palad

Ining paghali co ngonian

Porque soy in digno

Ining pobreng buhay

Di co naaraman

Con aco na ya magadan.

Isipon Mo Sana

Isipon mo sana namomotan ta ca

Nganing minsan  saen dai malingaw ca

Sa simong pagturog asin sa pagmata

Gabos cong recuerdo simong giromdoma

Sa aldaw sa bangui  antes cang magturog

Sarong inagrangay idulot mo sa Dios

Nganing matiwasay an sacong pagcamoot

Isipon mo sana namomootan ta ca.

Karseladong Pagcamoot

Nagtitios ang puso ko

Nagtatangis huli simo

Karseladong pagcamoot nadatngan ko

Luhay luhaya man Nenang

Ang pag-api sa buhay ko

Acong namomoot pinababayaan

Bangui, aldaw pagcamoot gabos simo

Ogma mo man na ako padusahan

Na magtios sa kinaban

Anong pait ang padusa

Sa buhay mong nag-agrangay

Bulong nin sakit itao mo na, Nenang.

Layog Na Daw Papel

Layog na daw papel

O tintang maitom

Asin ica pluma

Na pakpak nin bayong

Madya camong tulo

Sacong susugoon

Duman ki pulana

Na satuyang poon.

Pag-abot mo duman

Duman sa saiya

Magtao kang galang

Asin lumuhod ca

Dios marhay na aldao

Mahal na señora

Aco po sinugo

Palad mong maogma.

Marasa Pa Baya Namomotan

Marasa pa baya namomotan 

Ta dai ca naherac saco ngonian

Neneng, marasa pa ta di mo maheracan

Mas marhay pang mapara sa kinaban

Pagcadaing suerte buhay con ini-o

Acong namomoot pinababayaan

Neneng, marasa pa ta di mo naheracan

Mas marhay pang mapara sa kinaban.

Mirasol

Mirasol na sadyang hamot

Sa puso ko, nenang. dai napaontok

Dungawa ining nag-aapod

Sa gayon mo, nenang

Daing macaarog.

An sinabe nang mirasol

Si nenang cong sacong poon,

Daing ibang importasiyon

Ilaog sa daghan

Dai paghaloon.

Sa Diclom Nin Bangui

Sa diclom nin bangui nin camatangaan

An hamot mo. jazmin, nagwawarak

Daing kabaing, daing kabagay

An hamot mo sa saco ay neneng

Sa pusong may sakit icang nacaomay

Guiromdoma con aco ay dai na

Sa kinaban tumalikod mapara na

Guiromdoma man, hurop-huropa

Si satong pag-ibaiba

Ngonian caining oras

Na kita suhay na.

Salampating Guminaro

Salampating guminaro

Guminaro dahil saco

Ano daw an kinamundo

Ta naglayog  nin harayo.

Luminayog paibaba

Napaturo si sacong luha

Naging salog, naging sapa

Naging danao na dacula.

Hala cang salampati ca

Madacop ca nin iba

Ilalaog ca sa hawla

Sa hawlang may seradura

Salampating liyaliya

Tuminogdon sa kristia

Pag-abot ni señor cura

Kuminantang alleluya.

Sarong Bangui

Sarong bangui

Sa higdaan

Nacadangog aco

Hinuni nin sarong gamgam.

Sa luba co

Katurugan

Baco cundi,

simong tingog iyo palan.

Dagos aco bangon si sacuyang mata iminuclat

Sa kadicloman nin bangui aco nangalagcalag

Si sacong paghiling biglang tinuhog paitaas

Simong laog na magayon maliwanag

Si Nanay si Tatay

Si Nanay si Tatay di co babayaan.

Balaquid na boot an sacuyang utang

Si pagdara saco nin siyam na bulan

Gatas cong  dinodo di co mabayadan.

Ay Nanay ay Tatay con ako humale,

Hihidawon mo man sa gabos mong aki

Macacoa ca man nin macacasangli

Dai macaarog kan sacong ugali

Ay Nanay ay Tatay kun ako maraot

Pogotan nin payo ibontog sa lawod

Con mahiling nindo na naganod-anod

Ay Nanay ay Tatay sapuda man tolos.

Turog Na Aki Cong Bugtong

Turog na aki cong bugtong

Ta ibacal tacang payong

Siring saimo cagayon

Gamiton con maoranon

Dai ca magparahibi

Ta magayonon can aki

Si nanay mo ay mapuli

May darang korokawali.