KUDOT-KUDOTAN
Kaidtong sadit ka pa, sadit pa man ako,
Nagkarawat kita nin kudut-kudotan;
Kinudot mo ako, kinudot taka man
an sabi mo sako, "luhay-luhaya man".
Pagdakula niyato, naghabo na ika,
Bagong kawat naman an nagugustuhan;
Gusto mo Ina ka sa payag-payagan,
Pinirit mo ako magin Ama naman.
Alagad, an kantang ini may ibang bersyon na mas halawig asin oro-usmakon. Malinaw na an bersyon na ini kinakanta kan mga parainom:
Kan ika saday pa, saday pa man ako,
Nagkakawat kita nin kudot-kudotan.
Kinudot mo ako, kinudot taka man,
An kudot mo sako, hinahanap ko ngonyan.
Haen kana baya, kakawat kong madaya,
Nagkakawat kita nin kudot-kudotan,
Kinudot mo ako, kinudot taka man.
An simbag mo sako, luhay-luhaya man.
Duman sa Iraya, may parapamansag,
Hababang babae, halakbang an piad.
An natutukawan, duwang salagsalag,
An nakakabitan, botong garo takyag.
Haen kana baya, kakawat kong madaya,
Nagkakawat kita nin kudot-kudotan,
Kinudot mo ako, kinudot taka man.
An simbag mo sako, luhay-luhaya man.
Duman sa looban, igwang kamposanto,
Na piglulubongan, nin mga angelito.
Mabayad man ako, minsan pa gurano,
Makalubong lamang sakong payo-payo.
Haen kana baya, kakawat kong madaya,
Nagkakawat kita nin kudot-kudotan,
Kinudot mo ako, kinudot taka man.
An kudot mo sako, pighahanap ko ngonyan.
An mga daraga, an mapili-pili,
Dakul man matakot kan linta sa tubig.
Kasu matuparan, an linta sa banig,
Bakong sinisikwal, kundi kinakabig.
Haen kana baya, kakawat kong madaya,
Nagkakawat kita nin kudot-kudotan,
Kinudot mo ako, kinudot taka man.
An simbag mo sako, luhay-luhaya man.
Mag-post ng isang Komento